"Sofistikert og energifull folkemusikk!" / Gabriel Fliflet i BA

Tindra sin musikk spenner ifrå tradisjonelle songar og slåttar i eigne arrangement, til eigenkomponerte låtar med tekstar av ulike norske lyrikarar m.a. Jan Magnus Bruheim og Ragnar Hovland, alt ikledd ei folkemusikalsk drakt. Det handlar mellom anna om geiter, friarar, ein forelska trast og eit elska fjell. Trioen formidlar det norske folkemusikkspråket med fantasifulle arrangement i spennet mellom det vare, kjensleladde og det sprudlande, energiske.